Yeni kolleksiya üçün ilham və mövzu axtarışları Hom-me kreativ heyətini həmişə gözlənilməz yaradıcılıq sərgüzəştlərinə gətirib çıxarır. “Jardin Bleu” kolleksiyasının ərsəyə gəlməsi tarixçəsi isə olduqca maraqlı, Luar sahillərinin dəyərli memarlıq incilərindən olan Valanse qəsri - Florensiya və Bakını birləşdirən beynəlxalq əməkdaşlıq və ən əsası, fərqli nəsil nümayəndələri olan sənətkarların tarixi sənət ənənəsinə müasir baxışını əks etdirir. Bu məqaləmizdə, komandamızın kreativ axtarış prosesini əks etdirən, yekun nəticə olaraq yüzlərlə interyer və süfrədə fərqli şəkildə təqdim edilən kolleksiyalarımızdan birinin – “Jardin Bleu” kolleksiyasının tarixçəsini sizlərlə bölüşmək istəyirik.
 Son illərdə, əvvəlki nəsillərin dəb və zövq hisslərini ifadə edən  tərzlərin yenidən aktuallaşdırılması – vintaj tərzə olan marağın artmasına gətirib çıxarmışdır. Dəb sənayesi analitikləri, bu halın keçici bir təsir olmadığını və vintaj tərzin hələ uzun illər aktuallığını saxlayacağını qeyd edirlər. Sözsüz ki, bu cür qlobal “yenilik” Hom-me brendinin kreativ komandasının gözündən yayına bilməzdi və buna görə də, komandamız 2024-cü ilin əsas kolleksiyalarından  birini məhz intibah dövrünü yaşayan vintaj tərzdə hazırlamağı qarşısına məqsəd qoymuşdu.    

divar üzlüyü ilə bəzədilir. Həmin divar örtüyünü diqqətlə araşdıran Hom-me kreativ heyəti axtarışlarını bir az da genişləndirərək, XVIII-XIX əsrlərdə mərkəzi və qərbi Avropanın müxtəlif ərazilərində istifadə edilmiş bir neçə mükəmməl tual parçası seçərək onları yeni kolleksiyanın əsas ilham mənbəyi kimi təsbit edir.

İlkin dizaynın hazırlanması üçün kreativ heyət, Hom-me-nin müntəzəm olaraq əməkdaşlıq etdiyi italyan rəssam Marçello Bonini və azərbaycanlı rəssam Fazil Yaqubova müraciət edərək fikrin xülasəsini təqdim edir, rəng tonları və ümumi kolleksiya atmosferi haqqında gözləntini paylaşır. Komandanın ilkin planına görə, təsəvvür edilən ab-havanı daha yaxşı ötürən dizayn seçilməli olsa da, təyin edilmiş müddətin sonunda rəssamların təhvil verdiyi işlər komandanı olduqca mürəkkəb seçim qarşısında qoyur!

Fərqli dövrlərin və fərqli yaradıcılıq məktəblərinin yetirməsi olan hər iki rəssam eyni mənbədən ilhamlanaraq, bir-birinin tam əksi olan dizayn ərsəyə gətirmiş və dövrünün şah əsəri olan  klassik dizayna yeni baxış təqdim etmişdi. Lakin, kompozisiya quruluşu baxımından bir-birinin əksi olan bu iki dizayn, təəccüblü bir şəkildə həm də bir-birini tamamlayaraq, sanki iki rəssamın bədii duetinə çevrilirdi. Buna görə də, Hom-me kreativ heyəti, hər iki sənətkar tərəfindən yaradılmış dizaynı istehsala göndərməyi qərara alır.

Dizaynın “rahatlıq” ab-havasının saxlanması üçün, Hom-me kreativ heyəti, istehsal zamanı parlaq elementlərdən istifadə etməməyi qərarlaşdırmış və zərif formaya malik keramik material seçmişdir. Rəssamın seçdiyi ünikal rəng tonunun dolğun əks etdirilməsi üçün, Türkiyədə gerçəkləşdirilmiş kütləvi istehsaldan əvvəl uzun müddət rəng testləri aparılmışdır.

Fazil Yaqubovun dizaynı əsasında istehsal edilmiş geniş tərkibli “Jardin Bleu” (Blue Bird version) yemək dəsti səhər yeməyi, gündəlik nahar və şam yeməyi süfrələri üçün əla seçimdir. Dəstin əsas xüsusiyyətlərindən biri də rahatlıqla qabyuyan maşın və mikrodalğalı sobada istifadə edilməsidir.

Rəssam Merçello Bonininin yaratdığı dizayn, tarixi Avropa çini manufakturalarında istehsal edilmiş klassik nahar və çay dəstləri üçün xarakterik olan  elementləri özündə birləşdirir. Tual-de-Juy parçalarının əsas kompozisiya mərkəzini təşkil edən (əksər hallarda) pastoral insan fiquru M. Bonninin dizaynının kompozisiya mərkəzidir.

Tuş, quaş və sulu boya ilə işlənmiş dizaynda ön plana bir əlində badə, bir əlində üzüm salxımı tutmuş, başında çiçəklərlə bəzədilmiş çalma olan işçi xanım çıxır. Onun arxasında isə Toskana üçün tipik olan (M. Bonini Florensiyada yaşayıb-yaradır) peyzaj görünür: hündür təpə üzərində inşa edilmiş kənd evi üzüm bağları ilə əhatələnmişdir, arxada isə uzun boylu sərv ağacları sıralanmışdır.

Klassik ənənəyə sadiq qalan M. Bonnini mərkəzi dekor kompozisiyasını iki dekorativ kəmərlə tamamlamışdır. Birinci kəmər qızılı palıd yarpaqları ilə, ikinci kəmər isə üzüm salxımları ilə bəzədilmişdir. Ümumi dizayn, parlaq qızılı haşiyə ilə tamamlanmışdır.

Sanballı neoklassik stili ilə bu dizaynın istehsalı üçün ən uyğun material yüksək keyfiyyətli zərif sümük çinisi ola bilərdi və buna görə də Hom-me kreativ heyəti dizaynın istehsalını Böyük Britaniya kral ailəsi üçün çini məhsullar istehsal edən, dünyanın ən aparıcı çini fabriklərindən birinə həvalə etmişdir. “Jardin Bleu” (Blue Lady version) çay və yemək dəsti Çində, yüksək faizli sümük qarışımına malik premium keyfiyyətli farfordan, seçmə üsulu ilə istehsal edilmişdir.

Özü-özlüyündə sümük çinisi (farfor) kifayət qədər dözümlü və uzun ömürlü material olsa da, qızılı işləmələrə görə bu dəstin uzunömürlüyünü təmin etmək üçün, xüsusi istifadə qaydalarının (mikrodalğalı sobaya qoymaq olmaz və əl ilə yuyulmalıdır) gözlənilməsi vacibdir. Buna baxmayaraq, düzgün istifadə edildiyi halda, bu zərif çini dəst nəsildən-nəsilə keçən ailə sərvətinə çevrilə bilər.

Buna baxmayaraq, monoxrom ev dekoru, bütün dünyada ənənəvi olaraq Çin mədəniyyəti ilə əlaqələndirilməyə davam etmiş, eyni zamanda hər dövrdə yeni bədii interyer tərzlərində də öz yerini almağa davam etmişdir.

Hom-me brendinin “Jardin Bleu” ev dekoru predmetləri Çinin yüzillik tarixə malik keramika manufakturalarından birində, Avropada geniş istifadə edilən ənənəvi formalar və nəbati naxışlar istifadə edilməklə istehsal edilmişdir. Kolleksiyaya daxil olan güldanlar, meyvə qabları və qapaqlı dekorativ güldanlar hər biri tamamilə əl işi olmaqla, rəssamlar tərədindən əllə çəkilmiş naxışlarla bəzədilmişdir.

Hər biri bir sənət əsəri olan bu dekor əşyaları istənilən interyerə unikallıq bəxş etməklə, evinizə sənət toxunuşu gətirmək üçün yaradılıb.